admin
23-03-2019 - 03:06 pm


قصة حياة حسام حسنى

اول ما اسمه يقتل لازم يجى فى بالك New Look الذقن اللى كان تقريباً المطرب الوحيد اللى بدقن فى اول التسعينات يجي فى بالك المطرب الروش صاحب اللون الخفيف والاغانى اللى كانت مكسره الدنيا وقتها لولاش ، كل البنات بتحبك ، انا بحبك وغيرك انت nobody


غناء حسام حسني


حسام يدخل مجال الغناء بالصدفه هو كان داخل ملحن وموزع وموضوع المطرب ده مكنش فى باله الموضوع جه لما عمل تيمية ( جمله لحنية) وخلا صديقه الشاعر عنتر هلال يكتب عليها كلمات (لولاش) وفى الوقت ده كان صاحبهم التالت اللى لسه مخدش فرصته فى الغناء ولا لسه له اغانى المطرب محمد محى


الحان حسام حسني


الغنوه حلوه بس مش لون محيى المهم حسام بيعمل جايد بصوته ( بيأدى اللحن علشان المطرب يحفظ) وبيروح للمنتج طارق عبد الله صاحب شركة هاى كواليتى عشان اى مطرب فى الشركة يغنيها وكان فى باله انا الغنوه ممكن تنفع الفنان عزت ابو عوف اللى كان وقتها عنده فرقه مع إخواته البنات واسمها (الفور ام 4 m)


قصة غناء حسام حسني


المنتج بيسمع الغنوه وبتعجب بيسأل مين اللى بيغنى ؟ حسام يقول انا اللى بغنى يقولة خلاص يا نجم يبقى انت اللى هتغنى الغنوه, بس انا مش عايز اغنى انا بلحن وبوزع وكده قشطه يعنى , المنتج يقوله يلا اعملى 7 اغانى كمال على الغنوه دى عشان اعملك شريط 8 اغانى , وقد كان عمنا عنتر هلال يكتب 7 اغانى وحسام يلحنهم , فاضل الغنوه التامنه , اعمل ايه ؟ يجيبوا غنوة (امونه بعتلها جواب) بتاعت الفنان شفيق جلال , ينزل الشريط ويكسر الدنيا , وامونه برضو تنجح والناس ترجع تفتكرها تانى , وتخلى عنها شفيق يرجع يغنى تانى ويعمل شريط باغانيه القديمه بتوزيع جديد


المحلن والمطرب حسام حسني


ارزاق بقى الفنان حسام حسنى مش بس مغنى شاطر وملحن جميل , لاء ده كمان موزع جامد وصاحب سكة ولون , و يعتبر سبب رئيسى فى ظهور المطرب محمد محي , وزع له اول اربع البومات اللى كانوا سبب شهرته (36 اغنية) , مين ينسى : انا حبيت وانجرح قلبى ، ليه الحبيب ، اعاتبك , ويجى الهضبه عمرو دياب يخليه يوزع له البوم كامل 8 اغانى فى عام 1991 , حبيبى يا مالك قلبى بالهوا , والشريط ينجح ويكسر الدنيا



توزيع حسام حسني


وكانت إذاعة الشرق الأوسط فى برنامج من وبرامجها عامله المقدمه من موسيقى اغنية ايه بس اللى رماك ، اللى هيه من توزيعه وبعد كده عمل البوم فيلم آيس كريم فى جليم وبرضو نجح وخصوصاً اغنية رصيف نمرة خمسه


جيل التسعينات


حسام كان له دور مهم فى رجوع الفنان احمد عدوية يغنى تانى بعد الحادث الشهير يعتبر هو صاحب فكرة إعادة توزيع اغانى عدوية القديمة وبالفعل عمله ميدلى (كوكتيل ميكس) لمجموعة اغانى : مابلاش اللون ده وحبه فوق ويابنت السلطان وكله على كله واغانى تانية ده كان شريط نزل عام 1991 بعنوان عدوية 91 , هيفضل حسام حسنى حاجه حلوه فى ذكريات جيل التسعينات , ربنا يديه الصحه ويفرح قلبه زى ما كان مفرحنا بشغله





صور

حسام حسنى