admin
23-03-2019 - 03:31 pm


حكاية اغنية ست الحبايب عيد الأم
ست الحبايب اشهر وانجح واروع أغنية اتعملت للأم خلونا نجيب الموضوع من بدايته والبداية جواب تبعته قارئه لـ الصحفى على امين ( مؤسس دار اخبار اليوم مع اخيه مصطفى امين) الجواب بتشتكى فيه الست من اولادها وفى نفس الأسبوع ست تانية بتقابل الاستاذ على تشتكي من اولادها برضو وان اذا تعبت فى تربيتهم ومتجوزتش بعد وفاة جوزها واولادها مبقوش يسألوا عنها وكده الاستاذ على يكتب مقال يطالب بتخصيص يوم للإحتفال بالأم والقراء اقترحوا ان اليوم يبقى 21 مارس على إعتبار انه بداية الربيع وكده

أغنية عيد الأم


وبالفعل بدأ الإحتفال لأول مره بعيد الام فى 1956 والدولة تانى سنة تصدر طابع بريد للمناسبة لحد كده والأمور تمام فين بقى الغنوه ماهو ده جاى حالاً كل الكلام اللى اتكتب والحكايات اللى اتحرقت عن ظروف كتابة الغنوة للأسف غير صحيحة ومع إحترامى للى كتب واللى حكى بس الخلاصة بلح وهبد نفسى اللى ميعرفش ميقولش عدس لكن يقول معرفش السيدة زينات الجداوى رئيسة لجنة تنظيم عيد الأم إقترحت على المسؤولين فى الإذاعة ان لازم تتعمل أغنية للمناسبة وبالفعل الإذاعة وافقت


مناسبة عيد الأم


واكتر من مطربة وافقت تغنى الأغنية بدون اجر كمان طب فين الأغنية مفيش لسه وبتتصل الست زينات بالموسيقار محمد عبدالوهاب وتحكيله الفكره والأستاذ يوافق انه يلحن الموضوع يلا يا استاذه ابعتى الكلمات عشان اشتغل حاضر فين الكلمات ما قولنا حاضر والله بدور اقولك اشوفلك انا الكلمات عشان ننجز إللهى تنستر ويكلف الموسيقار شريك اعماله الشاعر حسين السيد انه يكتب الموضوع وعمنا حسين السيد بيقول فى احد اللقاءات الإذاعية انه فضل يفكر اكتر من اسبوع خد بالك من المدة اسبوع مش زى ما قالوا كتبها ع السلم وشقته كانت جنب شقة والدته مش زى ما قالوا إنها كانت ساكنه بعيد عنه فى الدور السادس المهم بعد مكالمة تليفون مع والدته اللى كانت بتدلعه وتقوله إزيك ياست الحبايب تخاطب ابنها بصيغة المؤنث يعنى عمنا حسين بياخد اللفظ ( ست الحبايب) يبدأ يكتب الأغنية

عيد الأم


يحكى انه يكتب الغنوة فى شقته وجنبة زوجته ومن شدة خاطر التأليف كان يكتب فى جزء وبيملي زوجته تكتب جزء تانى الموسيقار عبد الوهاب يلحن الغنوه يغنيها على العود فقط وتتذاع لأول مره فى الإذاعة عام 1958 وبعد كده تغنيها الست فايزه احمد بالتوزيع اللى بنسمعه حالياً فى عام 1959 قررت الست فايزه تغنى الغنوه ضمن احداث فيلم اسماعيل ياسين المليونير الفقير ولكن الموسيقار عبد الوهاب إعترض وقرر يرفع عليها قضية ولكن لما الست فايزه سمعت كلامه ولاغت الفكره إقترح عليك ان ممكن الاغنية يتعملها فيديو كليب مجموعة ممثلين و إخرج العمل محمود الصيفى اللى كان مساعد مخرج وده يعتبر اول فيديو كليب بالمفهوم الحالى  اتعرض فى بداية إنشاء التليفزيون المصرى اللى بدأ إرساله فى 21 يوليو 1960 كل عام وكل ام بالف خير 


صور

اغنيةست الحبايبعيدأمعيد الأم