admin
11-03-2019 - 11:25 am


الراحة النفسية مع الله
لما بنكون مخنوقين او حاسين بتعب جوانا نحاول نخرج مشاعرنا في الكتابة او الفضفضة مع اقرب الناس لينا واللي نثق فيهم يمكن نهدي من جوانا او نحس بالراحة لحظة رغم كل الذي نعبر عنه في كتابتها وكلامنا ، الا ان لازم تبقى جزء بسيط من احساسنا منقدرش نتكلم عنه او نوضحه ، وغالبا يكون الجزء ده أهم مافي الموضوع بل هو أصل الوجع والإحساس نفسه

 الراحة النفسية 



علشان كده بنلاقي في قلب كل شخص فينا حجرة مقفولة و مهجورة محدش يعلم عنها حاجة بتحمل كل ما يتعلق بالإنسان ومشاعرة اللي حاجبها من كل اللي حواليه واللي مايعلمش بيها غير ربنا وده اللي بيكون السر اللي بين العبد وربه

اوقات يحاول يستخرجها من جواه يمكن عشان يهدي ويرتاح ولكن للأسف ما يقدر ولا يعرف ، لأن في اللحظة دي بتكون المشاعر اقوي واصعب من إن الحروف والكلمات تعبر عنها او تحصرها ، فيكون الصمت في الحالة دي أقوي معبر عنها ولكن هناك حالة واحدة تقدر من خلالها تحس بالراحة والأمان في اللحظات دي وهي :

التقرب من الله


" قربك من الله وبالأخص الصلاة واعظم اقرب مايكون العبد لربه وهو ساجد ، ولإنه عالم بيك اللي في قلبك ومش قادر اعبر عنه يكفيك ان تبكي وتلح عليه بالدعاء وتقول يارب ، لو عايز تكون اقرب من الله اكثر يبقي صلاة ركعتين في الثلث الأخير من الليل تقعد شوية مع الله بالتسبيح او قرآءة القرآن وتصلي الفجر " اللحظة دي الوحيدة اللي هتقدر تحس بها بالراحة والسكينة والأمان والطمأنينة . جربها مرة وشوف هتحس بإيه بعدها. 


صور

راحةالراحة النفسيةالله